8 Наурыз Халықаралық Әйелдер күні

Ағымдағы жылдың  6 наурыз күні 9 «Б» сынып оқушыларының ұйымдастыруымен «Ана-өмір гүлі, тірлігіңнің шырағы» атты кеш өтті. Кешке мектеп директоры Турсынбекова Фарида, директордың оқу-ісі жөніндегі меңгерушісі Сламкулова Нағима, бастауыш сыныпта білім берген Әліпбаева Құндыз және  қазіргі таңда саналы білім, сапалы тәрбие беріп жүрген нәзік жанды пән мұғалімдері арнайы шақыру қағазымен шақырылды. Кешті Ынтымаққызы Дильназ бен Ноғайшаева Ажар жүргізіп, оқушылар өз өңерлерін паш етті. Атап айтар болсақ, Айшыракова Динара «Ұстазға арнау» атты өлеңді тебірене оқыды, Ноғайшаева Ажар «Көктем»,  Ерғараева Наргиза «Аналарға мың алғыс» өлеңдерің оқыды. Кеш соңында Мұхамбетқызы Зере «Аяулы ана» әнін орындап, оқушылар ұстаздарды 8 наурыз мерекелерімен құттықтап бір шоқ раушан гүлдерін тарту етті.